आला श्रावण श्रावण
ऋतू हा मनभावन
कधी रिमझिम बरसे
कधी उन्हाचे कवडसे
भूवरी पाचूचे शिंपण
नभी इंद्रधनुचे तोरण
पर्णात मौक्तिकमाला
गंध मातीचा ओला
व्रतवैकल्ये ही खास
झुले बांधती झाडास
कान्हा वाजवी पावा
राधेस धाडी सांगावा
ओलेत्या सांजवेळी
भेट ती यमुनाजळी
ऋतू हा मनभावन
आला श्रावण श्रावण
- स्नेहल मोडक
Monday, August 5, 2024
Subscribe to:
Post Comments (Atom)
कविता
नर्मदे हर
' नर्मदा मैया 'ची ' उत्तर वाहिनी परिक्रमा ' गुढी पाडव्यापासून सुरु होते. त्या परिक्रमेची तयारी खूप आधीच करावी ल...
No comments:
Post a Comment