केशर रंगात पश्चिमा नाहते
सांज अलवार नभी उतरते
सांजसावल्या गडद होती
पाखरे घरट्यात परतती
कोलाहल सारा शांत होतो
एक अनामिक हुरहुर लावतो
मन हळवे कातर कातर होते
अन त्या राघूसम एकले उरते
थकला रावा जरा विसावतो
एकाकी मनास अबोल साथ देतो
- स्नेहल मोडक
सरतो हळूहळू चैत्र, वैशाख, ज्येष्ठ अवतरतो मग पावन आषाढ श्रेष्ठ चालती वारकरी सारे वाट पंढरीची हाती टाळ अन गळा माळ तुळशीची सदा करती मुखाने विठ्...
No comments:
Post a Comment