Pages

Tuesday, May 28, 2024

झुळूक

झुळूक वाऱ्याची मनास स्पर्शते

सुरेल धून मुरलीची कानी वाजते

कधी झुळूक लाटांवर स्वार होते

शुभ्र फेसाळती फुले देऊन जाते

कधी झुळूक तरुवेलींवर झुलते

क्षणात आसमंत मधुगंधीत होते

झुळूक अलगद अवकाशी फिरते

आठवांचा पाऊस बरसूनी जाते

फुलपाखरासम झुळूक भिरभिरते

क्षणभर सौख्य देत सतत फिरते

झुळूक कातरवेळी अलगद येते

हळवी अबोल साथ मजला देते

झुळूक वाऱ्याची मनास स्पर्शते

सुरेल धुन मुरलीची कानी वाजते


- स्नेहल मोडक

Wednesday, May 15, 2024

पाऊलवाट

पाचूच्या सुंदर रानात

लालबुंद पाऊलवाट

स्तब्ध तळ्याकाठी

थबकते पाऊलवाट 

कधी घनदाट वनात

फिरते ती पाऊलवाट

परि जीर्ण पाचोळ्यात

लुप्त होते पाऊलवाट 

मनातल्या राज्यातही

असते एक पाऊलवाट

स्वप्नांच्या दुनियेतही

फिरविते पाऊलवाट

सुखाच्या झुल्यावरती

पोहोचवते पाऊलवाट

एकांतातही साथ देते

आठवांची पाऊलवाट 

भावनांच्या आवर्तात

हरवते ती पाऊलवाट

हरवते ती पाऊलवाट 

- स्नेहल मोडक

कविता

वारी

सरतो हळूहळू चैत्र, वैशाख, ज्येष्ठ अवतरतो मग पावन आषाढ श्रेष्ठ चालती वारकरी सारे वाट पंढरीची हाती टाळ अन गळा माळ तुळशीची सदा करती मुखाने विठ्...