स्पर्श होताच पावलांस जळाचा
शिरशिरी हलकेच तनुवरी उठते
स्पर्श होताच वीणेस अंगुलीचा
सप्तसूरात सुमधुर ती झंकारते
स्पर्श होताच कलिकेस वाऱ्याचा
अलवार मधुगंधी सुमन उमलते
स्पर्श होताच रंगास कुंचल्याचा
सुरेख सप्तरंगी रचना साकारते
स्पर्श होताच शब्दांस भावनांचा
तरल मनभावन कविता उमलते
स्पर्श होताच मनास ईशभक्तीचा
आयुष्याचे सहजच सार्थक होते
- स्नेहल मोडक
No comments:
Post a Comment