काही क्षण मनाला थांबायचंय
एकांतात एकटंच बसायचंय
काही क्षण आठवांत रमायचंय
मुक्तपणे डोळ्यांना पाझरायचंय
काही क्षण कडूगोड विसरायचंय
मन अगदी रितं रितं करायचंय
काही क्षण कोरी पाटी व्हायचंय
मनासारखं सुंदर चित्र रंगवायचंय
विसरून नकोसं सारं पुढे जायचंय
नव्या अनुभवांत रममाण व्हायचंय
ऋतुंसारखं मनालाही बदलायचंय
चाफा मोगऱ्यात धुंद गंधाळायचंय
विखुरल्या शब्दांना एकत्र करायचंय
कवितेच्या गोफात सुरेख गुंफायचं
स्नेहल मोडक
No comments:
Post a Comment